Suedamerika von A - Z

Uesi Reis nimmt nach 10 Moenet es Aendi. Mir hei e wunderschoeni, einzigartegi, lehrrichi, heruseforderndi u erholsami Zyt mitenand verbracht, wo ues es Laebe lang i beschter Erinnerig wird blibe. Mir hei Suedamerika mit au sine Einzigartigkeite probiert zaeme ds fasse u wuensche oeich bim Laese viu Vergnuege. Vorsicht! isch chli laeng grate...

Autos: vo schrottriif ueber no schrottriifer bis topmodern
Alaramanlagen: het jedes Auto, goe jedoch nie denn los, wenn si eigentlech soette u wesi los goe intressierts eh niemer
Argentinier: sehr naetti und gsellegi Luet, europaeisch, schpraeche dr Doppel L und ds Y als
SCH us. Mache wunderschoens Kunschthandwaerk u hei e super Humor
Alpakas: vor auem in Bolivie, bzw. ufem Altiplano i grosse Herde ds gseh. Iri Wule wird brucht
fuer di wunderbare Sache ds lisme u ires Fleisch wird aebefalls verzehrt. Di Junge tuesi
aebefalls schaere, iri Wule isch nomau fiiner u d Sache wos drus git si
verhaeltnismaessig tuer
Ampeln: d' Suedamerikaner fahre nid wes gruen isch, sondern wen d'Ample vo de angere
uf orange schautet
Alkohol: me gseht sehr viu Bsoffni, vor auem i de arme Andekaeffli, natuerlech aber nume Maennner
Anden: isch e Baergchoetti wo vo Ecuador bis Feuerland verlouft. D' Baerge verliere im Suede immer meh a Hoechi, hei aber trotzdaem glich viu Schnee wi im Norde
Andrea: Isch eine vo de wichtigschte moensche i mim laebe, isch maengisch aber scho chli e jammeri. vorauemem wes uber 24.5 grad HEISS oder weniger aus 24 grad CHAUT isch ;-)
Betten: meischt duereglaege, maengisch d'Faedere spuerend, maengisch i ihrer Weichheit
versinkend...
Bolivianer: sehr urspruenglich, d' Froue trage Zoepf u Trachte u oft sisi barfuess, trage iri Chind am Ruegge, hocke uf irem Gmues, si verschlosse u absolut nid
arbeitstuechtig. D' Indianerluet hoffe ufe Evo Morales (Praesident vo Bolivie)
Busse: das Erlaebnis in Suedamerika! Laengwilig wirds dr nie, egal wi lang das de fahrsch, um
Pannene chunt niemer drum um u gfahre wird eher schnaell (fuers mild us ds druecke)
Colectivo: isch es Taxi mitere beschtimmte Route wome ueberall cha i und usstige. Ime Colectivo (z.B. e Toyota Kombi) hei ca. 10 Persone Platz
Cotopaxi: dr hoechscht aktiv Vulkan vor Waelt Chilenen: modern, amerikanisch, Fast Food Kultur, gaern im Mittelpunkt stehend doch sehr
hilfsbereit und haerzlech. Usserdaem sisi so zueversichtlech, wi aeue kener angeri
Duschen: in Ecuador, Peru u Bolivie mit Schtrom betribe, Wasser chunt wenig, laengi Haar
muesch somit 1o Minute uswaesche u Heisswasser muesch dr oft imaginaer
vorschteue. In Chile u Argentinie sisi fasch wi dahei.
Esel: waerde hie Burros gnennt, gits ueberal i de Ande vo Ecuador bis Bolivie, si aus Arbeitstier
nid waeg ds daenke. E guete Esel choschtet zwuesche 100 u 150.-, waer auso Esle bsitzt,
daem geits relativ guet.
Ecuadorianer: fruendlechi u sehr offeni Luet. Verzeue gaern Gschichte, was si ou sehr guet
choei. Vo irem noeie Praesident (Rafael Correa) sisi begeischteret. Mache di beschte
Fruchtsaeft uf Aerde.
Eisklettern: chame in el chalten ufem Gletscher perfekt u weme Schwein het sogar mitem Cerro Torre im Hingergrund
Erdrutsche: verspere maengisch d' Strasse u de duuret d' Fahrt e chli lenger
Fernseher: Immer und ueberau, wuerklech ueberau
Fussball: Speziell d' Argentinier u d' Chilene spinne uf schute, doch ou i de obere Laender ischs es grosses Thema. D' Bolivianer z.B. gwinne in La Paz ja huefig, wuel iri Gaegner nid ad
Hoechi (3700 M.ue.M.) gwoehnt si u naer nid moege
Fruechte: e Troum fuer aui Liebhaber, in Ecuador gits ueber 30 Sorte u si si himmlisch. E
Fruchtsaft wird, usser in Chile, immer fruesch zuebereitet.
Feste: es git immer irgendwo e Grund zum feschte, oder nid? Das finge uf jede Fau aui Suedamerikaner u si maches mit Liib u Seel. I Usgang geit me nie vor de eine u hei geit me vilfach ersch am Sunntig am Abe. Das me naer bsoffe isch, isch gar ke Frag u es geit oberluschtig u lut zue und haer. Kumbia ole!
Geld: in Ecuador dr Dollar, in Peru dr Sol, in Bolivie dr Boliviano, in Chile dr chilenisch Peso, in Argentinie dr argentinisch Peso u in Uruguay dr Peso uruguayo
Groesse: eher chlini Luet, ungefaehr a la Kusi. Vor auem in Argentinie sisi groesser
Hoehe: mir hei ues uf Hoechine zwuesche 0 - 5987 Meter ueber Meer bewegt
Huete: Froue in Ecuador, Peru und Bolivien trage se in aune Farbe, Variatione u je nach daem wi schreg oder grad si ufem Chopf sitze, beduete si oeppis angers
Hupen: immer, uebrau, jede, durend, staendig, es isch aschteckend...
Haare: dunkelbruun bis schwarz, dick u wunderschoen
Heizung: in Ecuador, Peru u Bolivie niergends vorhande, isch erschtens ds tuer, zwoeitens hesch ja dini Ponchos u Pullis us Alpakawule u drittens heisi gnue Spaeck um ds Fuedli, was ja bekanntlech ou wermt.
Hochzeit: finde immer im Summer statt u weme ir Nachbarschaft wohnt bzw. zaeltlet, het me di volli Droenig bis am naechste Mittag (je je Kumbia, Kumbia)
Indianer: vor auem in Peru und Bolivie, rede Quechua oder Aymara, si duenkler aus angeri
Inkacola: Nationalgetraenk vo Peru, schmoeckt wine Bubble Gum u isch gibaeligaelb. Me
bechunts gaern u es faehlt eim, wemes nuem het
Internet: No im hingerletschte Kaff hets mindeschtens eis Internetkafi. D' Verbindig laesst oft zu Wuenschen uebrig, grundsaetzlech chame saege, je tuerer je lengsemer.
Kokablaetter: si in Peru, Bolivie wi ou in Nordchile erhaeltlich. Me choeit se u si haelfe dr gaege d' Hoehechrankheit u gaebe dr Energie bim wandere. In Bolivie gsesch chum ei Person, wo nid dr ganz Tag Coca choeit. Es ghoert zu irem Laebe u ohni di Blettli geit gar nuet.
Kokain: Wird us de Kokabletter, wo in Peru u Bolivie apflanzt waerde, haergschteut. Jede wo sech mit daem Thema chli uskennt weis, wi schwaerwiegend d' Problem drum si. Orte, wo Koka apflanzt wird, hett me ds mide. Es isch es staendigs Thema i beidne Laender u es wird sehr viu Unheil dermit betribe.
Kioske: e Platz, wos nuet het? Gits nid. Ueberau wos freie Platz u viu Luet het, gits ei Kiosk am angere. Dert wird aus verchouft, wome zum Laebe brucht. Vo Suessigekeite ueber Telefonaruef (si hei es Drahttelefon im Kiosk, wome cha e Aruef taetige), bis WC Papier u SD Chartene chasch eifach aus ha.
Kinder: jedi Familie het e ganzi Schar dervo, d' Froue hei ires erschte Chind durchschnittlech mit 15 ni. Verhuetig isch kes Thema, Chind ha ghoert zum Laebe. Ganz klassisch isch de ou d' Frou fuer d' Chind zuestandig u het se ou geng bi sech. In Chile u Argentinie ischs nuem ganz eso, si hei aber Chind total gaern u Chind si somit ou ueberau haerzlech willkomme.
Kartoffeln: mega fein, i aue Farbe u Variatione erhaeltlech. Si i fasch jedem Aesse drinne u d' Suedamerikaner si stolz druf, das si vo irem Kontinaent choeme, bzw. vo de Inkas.
Kumbia: kennet dr Grupo 5 vo Peru scho? Loset mau ine u singet chreftig mit! http://www.youtube.com/watch?v=eVZHsc34icQ Kumbia isch dae Musigstil in Suedamerika, louft immer u ueberau. Kumbia isch e Teil vo Suedamerika u me bechunts gaern ueber. (oder de o nid;-)
Loehne: im Durchschnitt u pro Monet: Ecuadorianer 500.-, Peruaner 300.-, Bolivianer 100.-, Chilene u Argentinier 1500.-
Mais: aebefalls es wichtigs Grundnahrigsmittel u aebefalls mega fein. Hie gits Maischoelbe so gross, dass de nach eim meh aus gnue hesch. Si verchoufe se uf dr Schtrass zaeme mit Frueschchaes ure Sosse u stecke se ufnes "Spiesslistaeckli". Wi fein dass si si, verrate mer itz nid ono.
Markus: isch mi Reisepartner, meischtens usstehlech, maengisch chli lunisch, oft aber zfride wines Schit u eifach us mim Laebe nuem waeg ds daenke!
Metro: in Santiago u Buenos aires
Mate: Nationalgetraenk in Argentinie. Isch es Chrut vome Boum, wome naer aus Tee trinkt. Das dr ganz Tag lang u mi teilts mit aune.
Mitad del Mundo: isch d' Mitti vor Waelt, dert chame ime Museum cooli Versuech mache. Z.B. unkocheti Eier ufne Nagel stelle, em Wasser zueluege wis ohni Strudel ablouft oder teschte dass genau uf em Aequator d Schwaerchraft weniger strach isch als suesch
Polizei: usser in Chile korrupt u beschtaechlech. Vertraete sisi i Schare, ues heisi zum Glueck immer i Rueh gla oder si aschtandig gsi.
Pisco Sour: e beruehmte alkoholische Drink mit Folge
Peruaner: laebe sehr urspruenglich, si hoeflech u a eim interessiert. Si fahre total uf Grupo 5 ab u lose iri Cd's nid saelte 30 Schtund lang hindertsi u fueretsi
Passagiere: i de Boesse hei dopplet so viu Luet Platz wis Sitzplaetz het, das isch jedem Suedamerikaner grundsaetzlech klar. Ds Bolivie chame o no im Gepaeckruum Luet iilade we obe alles voll isch. Di angere Fahrgescht lege ihre Chopf zum schlafe eim maengisch fasch uf e Schoss. Reis: Riis mit Haerdoepfu oder Haerdoepfu mit Riis, das ist hier in Suedamerika die Frage?
Refugio: isch ae suedamerikanischi Usfuehrig vore schwizer SAC Huette. Meischtens ohni Heizig, ohni Bewartig u daementspraechend draeckig.
Strassen: das isch wi mit dr Chleiderusrueschtig: es git kener schlaechti Schtrasse, nume schlaechti Outo:-)
Sonne: ein Wunder auf Erde! Si wermt, si bruent, si macht gleucklech, lat eim la schtuune, zouberet di schoenschte Farbe, git Energie, heilt Bibeli!!, git Liecht, macht nie schlapp u het ues 10 Moenet lang fasch nume schoens Waetter beschert
Toilettenpapier: wirft me hie niene id Schuessle, immer i separat Kuederchuebu naebedran.
Tiere: Alpakas, Lamas, Guanacos, Vicuñas, Vizcachas, Fuechse, Guerteltiere, Kondore, x verschideni Vogelarte, Kolibri, Soeili, Geisse, Schaf, Kuehe, Huend, Chatze, Mugge, Biendli, Waeschpi, Sandfloeige, Huehner, Papageie, Tarantle, Skorpione, Kobra, Otter, Piranhas, Forelle, Krokis, Wasserschweine, Affe, Wildsoei, Pinguine, Selloeie, Wale, Delfine, Pelikane, Risekakerlake, Esle, Roessli, Mulis, Flamingos, Schmetterlinge, Schildchroet, Ñandus, Meersoeili, Kondore, gar nid gwuesst, das mer so viu Vicher hei gseh....
Tiertransport: Tier choei in Suedamerika uf di verschidenschte Wise transportiert waerede: Geisse z.B. im Gepaeckfach vom Buss, Schaefli u Huehner inepfercht i Laschtwaege. Eifach nume truurig zum aluege;-(
Tastatur: wi viu vo oeich ja sicher hei gmerkt, ae, oe u ue existiere hie nid, y und z si umgekehrt u es isch vo Vorteil, wede d' Tastatur chli kennsch, denn huefig gseht me d' Buechstabe vor luter Abnuetzig gar nuem
Unvergesslich: Baergschtige am Cotopaxi, schaffe im Chinderheim u em Spital, Huaraz, Fahrt i Dschungel, Bolivianer, Minenarbeiter, Salar de Uyuni, Patagonien, "Linsegschicht" am Zoll, Outochouf -u Verchouf, Hostal independencia in Punta Arenas, ueses "Grosi" in Santiago u.v.m...
Verloren, la lige, kaputt: Sackmaesser, Taschelampe, Stirnlampe, Faserpelz, Hut, Laedertuech, Wanderhose, Raegejagge, T-Shirts, Gloeggeli vor Ariane
Wolldecken: Me brucht oft bis zu 5 Stueck (emu d' Andrea), wueu d' Naecht si viu sehr chalt. Am Afang vor Reis erschloe si di fasch u ire muffig Gruch stoert extrem, Aends vor Reis hesch ds Gfuehl du wirsch miteme Duvet nieme warm gnue ha.
Wasser: usser in Patagonie ueberau untrinkbar
Wein: Chile und Argentinie si beruehmt fuer erschtklassige Wii. Me cha saege je tuerer je besser, fuer 20.- chunsch aber scho fasch e Erschtklassige ueber.