Die Wuestenlandschaften im Sueden Boliviens

Mir hei 4 ungloublech schoeni, unvergaesslechi, unbeschriblechi, farbegi u luschtegi Taeg hinger ues. Mir si vom Stedtli Uyuni zersch uebere groescht Salzsee vor Waelt, em Salar de Uyuni gfahre u naer duer verschideni angeri Wueschtine bis uf Chile greist. Das Ganze heimer buechet u si mitere gfuehrte Tour ime Toyota Landcruiser gange. Mir si e u gueti Gruppe gsi u hei ues mega guet verschtande. ( Hets ja suesch nid gad huefig gaeh...) D' Landschafte si eifach dr Hammer gsi, mir si mit sehr vile Gluecksgfuehl verwoehnt worde u nid saelte blibe schtah, um eifach mau ds schtuune. Me wird bi seriger Natur gaern mau emotional u mues eifach mau Danke saege fuer di wunderschoeni Natur, womir e Teil dervo doerfe si!

Itz simer in Chile in San Pedro de Atacama u saege Adios Bolivia. Bolivie isch es ungloublechs Land, es isch vielfaeltig wi kes angers bis itz u d Luet si einzigartiger denn je. Me brucht hie sehr viu Geduld, Toleranz u vor auem Vertroue das alles guet chunnt. D' Natur isch unschlagbar schoen u scho nume waeg dere Wueschti empfaehle mir e Reis dahaere.

Viu meh moechte mer gar nid schribe, gniesset eifach di Bildli, di saege gloub gnue us.....