San Pedro de Casta und die hoechste Party der Welt

Wie scho im letschte Itrag erwaehnt, hei mir ues am Zyschdig Morge uf gmacht ids Doerfli San Pedro de Casta. Obwohl das Doerfli nid wit waeg isch vo Lima, ischme 4 stung ungerwaegs. Uf dr Strecki ueberwindetme rund 3200 Hoehemeter. D Strecki wome mitem Bus ufefahrt isch absolut krass!! Es het eifach sones Baergwaegli wome ufefahrt, ei Faehler vom Fahrer u me stuerzt es paar hundert Meter id Toeiffi. Am Mittwuch simer chli id Umgaebig ga wandere. Es het ueberal am Baerg so Wanderpfaed, wo di Iheimische bruche, um zu irne Pflanzplaetz ds cho. Am zwoeite Tag simer de ds erstmau uf Marcahuasi ufe gloffe. Dass isch es Hochplateau uf rund 4000 m.ue.m, oberhaub vo San Pedro de Casta. Dert hets alti Gebaeude wo no vo de Inkas stamme u so ganz geniali Felsskulpture. U de heimer de o ds erschtmau ds Anfiteatro gseh, dert wo de am Wuchenaend di hoechsti Party vor Waut soeu stigae. Dr Platz isch auso wuerklech dr Hammmer! Am Fritig Morge heimer de uesi Sache ikouft, womer hei brucht fuers Wuchenaend ufem Baerg. Bevor mir si losglueffe isch o scho dr Boes acho mit de erschtae Partyluet. Dert drunger si de o dr Vincent u dr Jens (zwe Gummihaels) gsi, wo direkt uf ues si zuegschtueret, wue si ues gad agseh hei, dass mir wuesse wos duere geit.
Mir hei de dr Astieg nachem Mittag es zwoeitsmau i Agriff gnoh. Dobe heimer ues ir Nechi vom Anfiteatro es gmuetlechs Plaetzli zum zaeltle gsuecht, chli gnue wit waeg vor Party so, dass mer de o choennte schlafe we mer wettae. Am spetere Nami heimer ues de aui ufgmacht Scheisse ds sammle, he wie??? daenketer itz aeue aui, ja mir hei Kuh- und Eselscheisse gsammlet. Mir hei de am Abe es richtigs schoens, groesse, u warms scheiss Fuer dermit gmacht!!! Am gmuetleche "scheiss" Fuer hei mir de am Abe eine vo de schoenschte Sunneuntergaeng choenne gniesse. Am Samstig Morge hei mir de wider mau es Oug ids Anfiteatro abe gworfe. Mir hei ues de afa langsam afa frage, wenn si die Party wei ufsteue! Aber me kennt ja die Suedamerikaner afangs, es heisst de "mañana , mañana". Mir hei ues de no ufmacht zu eire vo denae Lagune, wos uf daem hochplateau het gha (ir Schwiz wurdme eher saege Draecktuempel) . Mir hei de immer huefiger wider es Oug ufd Party gworfe! E chli Decko heisi afa mau ufbout gha aber vo Boxe oder Geni no ke Spur! Nach daems het idunklet gha heimer de uesi Hoffnig afa chli ufgaeh gha, dass da no e Party stattfindet aber d Hoffnig stirbt ja bekanntlech z letscht. Irgendwie am Abe am zaehni heimer de vomene Peruaner erfahre, dass Party abgseit worde isch, wueu dr Generator faehlt. E coole Abe heimer aber de doch no gha zame mit de zwe Duetsche a uesem Scheiss Fuer. Am Sunntig simer de wider abe u hei dunge erfahre, dass dr Generator schienbar eifach ds schwaer isch gsi zum ufe trage!!!!! tja Peruaner, we haut de nid mañana de haut gar nie! Am Maentig heimer de no e Teil vomene Idigena Fescht miterlaebt, bevor dass mir ues de hei ufe waeg nach Lima u de duer d Nacht nach Huaraz gmacht. Bim abe fahre vo San Pedro de Casta simer de doch de no uf uesi Choeschte cho was Musig abelangt. :-) (s. uter unsere Videos)