Von Ecuador in die Hauptstadt Perus

Sit guet eire Wuche simer itz in Peru. Ds erschte Stedtli nach dr ecuadorianische Graenze het Piura gheisse u mir si dert am Morge am 7bni, nachere 9 schtuendige Boesfahrt, acho! Obwou wie das mer ueber d Graenze si, het sech ono fasch dr Waert ds beschribe! Si mits ir Nacht ar Graenze acho u vowellig verpennet zum Zouhuesli tschaupet. I daem Zouhuesli isch aebefaus e voellig verpennte Typ mit Zigarette i Muu ghocket u me het ds Gfueu gha, es interessiert ne ke Schissdraeck, dases itz da Luet git, wo ueber d Graenze wei. Hei du uese Usreiseschtaempu uebercho u si ds Fuess ueber d Graenze vo Peru gloffe. D Boesse hei si i daem kontrolliert, das si amateurmaessig chli mitere Taschelampe im Frachtruum hei umezuendet und das wars! Das isch ues aues so komisch ine cho (wahrschinlech simer eifach chli mued gsi), das mir ues hei muesse zaeme nae, das mer nid gredi use lache!
Ds Piura simer de nume gad ei Nacht blibe u si de witer nach Trujillo. Uf dr Fahrt dert haere simer aus duer Wueschti uf dr Panamericana gfahre, ungloublech, dases in Peru Wueschti git. Aber das sig schiins so, wueu dr chaut Humboldtsschtrom vom Meer d Wulchebiudig verhinderet us so nie raegnet! Und itz simer in Lima, dr Houptstadt vo Peru. Si praesentiert sech nomau viu groesser u mit viu meh Gaegesaetz aus Quito! Arm u riich laebe mitenang u glich gaegenang. Isch truurig, ds gseh! D Stadt saeuber het einigi Sehenswuerdigkeite ds biete aber wis haut so isch, ds Stadtlaebe isch no immer nid ueses Ding u ues ziehts scho wider Richtig Baerge. Morn weimer witer ids Doerfli San Pedro de casta u vo dert us de einigi Wanderige ungernae!