Ruca Pichincha 4800 m.ue.m

Das waer uese erscht Baerg, bzw. uese zwoeit 4000er, womer hei beschtige. Dae im Moment nid aktiv Vulkan isch in Quito u mir hei zersch mitere Seilbahn uf knapp 4100 m muesse ufefahre. Die isch eigentlech relativ modern gsi, aber langsam wine More. Auso wede mit dere ir Schwyz wetsch Skifahrer transportiere, choentsch vilech gad einisch ufe u wider abe!! Ds Waetter isch leider denn nid so dr Hammer gsi aber wimer ja itz hei glehrt, chas ja ou bi schlaechtem Waetter sehr idruecklech si! Mir si naer mau losgloffe u hei de oscho gli Bekanntschaft gmacht mitem Christof, er isch ou Schwizer u isch naer mit ues ufe Gipfu cho. Si oeppe 4 Schtund e Waeg ds dueruf gloffe u hei di schoeni Landschaft beschtunet, wosech ganz ander gschtautet aus bi ues. Gaege Gipfu zue isch de ds Waetter geng grusiger u cheuter worde, so, dasmer fasch nume no Naebu hei gseh u nume no paar Grad ueber Null hei gha! Dobe acho, simer mega stolz gsi, he isch schliesselech e Baerg mit 4800 m.ue.m!!! Vor Hoechi heimer bis uf ganz weni Schwindel nuet gmerkt. Bim wider abe loufe heimer is so richtig choenne la ga, es isch so duer Sand gange, wode meh oder weniger Moonwalking hesch choenne betribe!! Ja u itz simer wider dunde u mir hei ersch richtig Luscht becho uf meh Baerg!!