Mindo

So, itz simer scho ds dritte Wucheaend da, u hei oscho uesi Voluntariatsarbeit agfange. Kusi und ig wohne somit im Moment nid zaeme, si aber nid wit vonenang entfernt, so dass mir ues doch fasch jede Tag choei gseh. Am Wucheaend heimer du e Usflug gmacht uf Mindo. Das ligt toeifer aus Quito u so isches de ou gad viu wermer worde u mir hei ds erscht Mau uesi churze Hose choenne fuerenaeh!! Mindo isch bekannt fuer sini Naebelbaergwaelder, sini Flora u Fauna. Auerdings simer du de chli enttuescht gsi, wue es isch eifach es mega Tourischtekaff u aus isch mega tuer gsi. So knauserig wimer haut maengisch si, hei mir du aus uf eigeti Fuscht gmacht u si gloffe. Gloffe bis zu dene schoene Wasserfaeu, wos sech wuerklech glohnt het, die ds gseh!!! Am Sunntig Morge frueh, heimer du naer di vile Voegu woeue ga beobachte, aber wueu mer nid genau gwuesst hei, wo di beschte Plaetz si zum beobachte isches du bim moergentleche wandere am Fluss blibe. Aber schoen isches glich gsi! So gaege Mittag heimer de wider dr Rueckwaeg nach Quito i Agriff gno u haette aeue ke eutere u ueberfuellter Bus choenne verwuetsche!! D Panne het me scho choenne vorusgseh u si isch de churz vor Quito ou itroffe. Si hei de zersch mau oeppe e Schtund versuecht, chli am Motor umedshaemmere u so, bis si de hei muesse igseh, das oeppe nuem ds woeue isch!! Mir hei du naer eifach ufe naechscht Boes muesse warte u si du naer mit daem zruegg gfahre. So heimer du glich no chli Abentuer gha!! Ja itz isch Sunntig am Abe, Kusi mues wider zruegg ids Heim, he, u mir muesse morn wider ga schaffe. Wi das toent!!