Am 25. Februar simer, n
ach fasch 8 moenetiger Reis, in Ushuaia, er suedlechschte Stadt vor Waelt, acho. Agfange het uesi Reis ja in Quito - Ecuador, wo genau ufem Aequator ligt u somit d Mitti vor Waelt isch. Luftlinie sis vo Quito uf Ushuaia ungefaehr 10000 km, ufem Landwaeg natuerlech etlechi me. Mit uesem Chare simer i dene 2 Moenet guet 7
000 km gfahre u si itz hie am Aendi vor Waelt heil u mit nume wenig Schaede am Outo acho! Vor Kueschte in Argentinie simer du bis Ushuaia gfahre. E Teil vo Feuerland ghoert Chile u dr anger Teil a Argentinie. Drum isches fuer nach Ushuaia ds cho notwaendig gsi, dr Zoll 2 Mau ds ueberquere. Das isch chli e muehsami Sach gsi, wueu mir mit uesem Outo jedesmau e rise Papierchrieg ds erledige hei. Je witer
suedlech mer de si cho, je gruener isches uf ds Mau ou wider worde. U scho gli heimer di erschte sch
neebedeckte Gipfle choenne sichte u ueses Haerz het einisch meh hoecher gschlage. Wau, Baerge, di si doch eifach scho dr Hammer!! Was hie in Ushuaia ja ou ganz speziell isch, du bisch zwar am Meer, hesch aber trotzdaem Schneebaerge um di ume. Hie isches nuem so, dass di ewegi Schneegraenze ersch uf 5000 Meter afat, nei, si fat scho uf 1200 Meter a. Dr hoechscht Baerg vo 
Feuerland isch nume 1490 Meter hoech u vo sim Gipfel us hesch sogar Meersicht, isch das nid abartig? Ushuaia saelber isch nid gad e Schoenheit aber ds Gfuehl am Aendi ds schtah u ds wuesse, dass de hie per Outo nuem witer chunsch, isch schono speziell gsi. Uebernachtet heimer ufeme schoene Zaeltplatz oberhalb vor Stadt mit Sicht uf ds Meer u d Stadt. Dert heimer ou wider ganz naetti Luet lehre kenne u heis u guet gha. D Argentinier si eifach supernaetti, hilfsbereiti u sehr gaschtfruendlechi Moensche, das faegt eifach. Mir hei de hie uf Feuerland no e 3 taegige Trek gmacht. Dae het zersch duerne Wald, a etleche Baergsee, schlussa
endlech ueber ne Pass u de hinger abe duer nes schmals Taeli gfuehrt. D Landschaft isch wunderschoen gsi u me hets maengisch chum choenne gloube, dases hie so gruen u saftig cha si. Leider het ds Waetter nid gad super mitgschpiut, sig hie schiins aber ke Saelteheit, das de pro Tag meh oder weniger aui 4 Jahreszite chasch erlaebe. So simer am letschte Morge im Schnee erwachet, es isch a...chalt gsi u het gwindet wi nume oeppis. U de froeit me sech de aube ufne warme Ort mitere warme Schoggi. Ohh, me wird ja so aschpruchslos.Das waers gsi us Ushaia, gli geits witer a suedlechscht Punkt vo Chile, naemlech uf Punta Arenas, bis gliiiiiii!
ach fasch 8 moenetiger Reis, in Ushuaia, er suedlechschte Stadt vor Waelt, acho. Agfange het uesi Reis ja in Quito - Ecuador, wo genau ufem Aequator ligt u somit d Mitti vor Waelt isch. Luftlinie sis vo Quito uf Ushuaia ungefaehr 10000 km, ufem Landwaeg natuerlech etlechi me. Mit uesem Chare simer i dene 2 Moenet guet 7
000 km gfahre u si itz hie am Aendi vor Waelt heil u mit nume wenig Schaede am Outo acho! Vor Kueschte in Argentinie simer du bis Ushuaia gfahre. E Teil vo Feuerland ghoert Chile u dr anger Teil a Argentinie. Drum isches fuer nach Ushuaia ds cho notwaendig gsi, dr Zoll 2 Mau ds ueberquere. Das isch chli e muehsami Sach gsi, wueu mir mit uesem Outo jedesmau e rise Papierchrieg ds erledige hei. Je witer
suedlech mer de si cho, je gruener isches uf ds Mau ou wider worde. U scho gli heimer di erschte sch
neebedeckte Gipfle choenne sichte u ueses Haerz het einisch meh hoecher gschlage. Wau, Baerge, di si doch eifach scho dr Hammer!! Was hie in Ushuaia ja ou ganz speziell isch, du bisch zwar am Meer, hesch aber trotzdaem Schneebaerge um di ume. Hie isches nuem so, dass di ewegi Schneegraenze ersch uf 5000 Meter afat, nei, si fat scho uf 1200 Meter a. Dr hoechscht Baerg vo 
Feuerland isch nume 1490 Meter hoech u vo sim Gipfel us hesch sogar Meersicht, isch das nid abartig? Ushuaia saelber isch nid gad e Schoenheit aber ds Gfuehl am Aendi ds schtah u ds wuesse, dass de hie per Outo nuem witer chunsch, isch schono speziell gsi. Uebernachtet heimer ufeme schoene Zaeltplatz oberhalb vor Stadt mit Sicht uf ds Meer u d Stadt. Dert heimer ou wider ganz naetti Luet lehre kenne u heis u guet gha. D Argentinier si eifach supernaetti, hilfsbereiti u sehr gaschtfruendlechi Moensche, das faegt eifach. Mir hei de hie uf Feuerland no e 3 taegige Trek gmacht. Dae het zersch duerne Wald, a etleche Baergsee, schlussa
endlech ueber ne Pass u de hinger abe duer nes schmals Taeli gfuehrt. D Landschaft isch wunderschoen gsi u me hets maengisch chum choenne gloube, dases hie so gruen u saftig cha si. Leider het ds Waetter nid gad super mitgschpiut, sig hie schiins aber ke Saelteheit, das de pro Tag meh oder weniger aui 4 Jahreszite chasch erlaebe. So simer am letschte Morge im Schnee erwachet, es isch a...chalt gsi u het gwindet wi nume oeppis. U de froeit me sech de aube ufne warme Ort mitere warme Schoggi. Ohh, me wird ja so aschpruchslos.Das waers gsi us Ushaia, gli geits witer a suedlechscht Punkt vo Chile, naemlech uf Punta Arenas, bis gliiiiiii!
Keine Kommentare:
Kommentar veröffentlichen